ചരിത്രത്തിന്റെ അടിപ്പാവാട

വോട്ടുചോദിക്കാമ്പോയപ്പൊ ശ്രീധരമ്മാഷ്
കുട്ടിഷ്ണേട്ടാ നമ്മള് ചരിത്രത്തെ മറക്കാമ്പാട്വോ
എന്നൊന്നു ചോദിച്ചതിന്
“നെന്റെ ചരിത്രത്തിനെ
പണ്ട് കെട്ടിച്ചയച്ചതല്ലെടാ.. മറക്കാമ്പറ്റിണില്ല്യെങ്കിൽ
പോയി അവൾടെ അടിപ്പാവാട കഴുകെടാ ”ന്നൊരു
ആട്ടുകിട്ടിയപ്പോഴാണ്
ചരിത്രം കല്യാണം കഴിച്ചിട്ടുണ്ടോ
എന്നൊന്നന്തംവിട്ടന്ന്വേഷിച്ചത്
നോക്കുമ്പൊ ചരിത്രമാരാ മോള്..
ഇടക്കിടക്കോരോരുത്തരെയായി
വെച്ചുകൊണ്ടിരിക്ക്യാന്നല്ലാണ്ടെ
സ്ഥിരമായിട്ടൊരുത്തന്റെ കൂടെ..ങേഹെ..!
ഒരു പീഡനക്കേസുപരാതിയോ
ഒരു ദുർന്നടപ്പുകേസറസ്റ്റോ
ഒന്നുമില്ലാതെ സുഖിച്ചു കഴിയുന്നു..
ഒരുമ്പെട്ടവൾ..!
ഇപ്പോൾ ചരിത്രമെന്നു കേട്ടാൽ
കാർക്കിച്ചു തുപ്പും ഞങ്ങൾ..
ത്ഫൂ..!